Приказната што овие денови растажи илјадници луѓе ширум светот стана вирална вест на социјалните мрежи откако една мајка сподели фотографија од прославата на роденден на 12-годишно девојче.

„Од 16 деца, 13 потврдија дека ќе дојдат на роденден. Само три од нив дојдоа. Веројатно се подготвуваат за летен одмор, им излегло непланирано планинарење, а за некои било доцна да пристигнат од 14 до 17 часот. Никој не се јави за културно да се извини. Изнајмен простор, храна, домашно кино, голема торта. Сето тоа е ирелевантно. Не можам да ви ја опишам тагата на детето. И како децата овде да се дружат, да се сакаат и почитуваат?“, пишува мајката со потекло од Србија на „Твитер“, која живее со своето семејство во Швајцарија.

Od 16 dece, 13 potvrdilo dolazak na rođendan. Došlo ih je samo 3.
Navodno pakuju se za godišnji, iskrslo planinarenje, a nekima je i kasno bilo da dolaze od 14-17h. Niko nije javio da se kulturno izvini. Iznajmljen prostor, klopa, kućni bioskop, velika torta..
Sve to je nebitno pic.twitter.com/leQxAAoddw

— Livello (@livello_) July 18, 2021

Тажната глетка на тортата наменета за гостите кои не се појавиле, ги растажи и корисниците на „Твитер“.

„И мене ми е роденден за време на распустот, никогаш не се ни обидував да го прославам за да не го доживеам истото“, „Нека ѝ е среќен роденденот. И тука се случува истото, децата се угледуваат на своите родители, одговорноста и почитта се учат уште од најрана возраст“, „Срамота за нив, лекција за неа. Се надевам дека добро си поминавте и добро ги искористивте ресурсите“, „Срцето ме заболе кога го прочитав ова. Ви посакувам сè најдобро и ви испраќам многу љубов!“,

„Можам само да замислам како се чувствувала, го знам чувството, така ми помина 10-от роденден, после тоа само ја поканував само мојата најдобра пријателка и тоа е тоа. Се уште се сеќавам колку беше ужасно тоа чувство. И среќен роденден на принцезата“, беа само дел од коментарите на „Твитер“.