Договорот на Вилијан со Челси истекува на крајот од сезоната, а бразилскиот репрезентативец ја одби понудата на „сините“ и на лето без обесштетување ќе си замине.

Менаџерот на Ливерпул, Јирген Клоп, во Вилијан гледа фудбалер кој ќе ја засили конкуренцијата во средниот ред и ќе претставува важен дел од играта на екипата во борбата за титулите. Поради тоа Клоп инсистира управата на Ливерпул да се договори со Вилијан за кого интерес пројавуваат и ПСЖ, Барселона, Јувентус, Тотенхем и Арсенал.

Челси неодамна му понуди нов двегодишен договор на бразилскиот репрезентативец кој веќе одби да преговара и ѝ порача на управата дека по крајот на сезоната ќе си замине од „Стемфорд бриџ“.

Причината за ваквата одлука на Вилијан е политиката на Челси на своите кои имаат 30 или повеќе години, да им нуди само едногодишни договори, но откако увиде дека Бразилецот нема намера да потпише нов договор, управата му понуди двегодишна соработка,  но и тоа беше одбиено..