Лекувањето на кралот Чарлс: „Ќе се користат помалку инвазивни методи“
Веста дека кралот Чарлс Трети боледува од рак ја потресе британската јавност и сите будно ја следат здравствената состојба на монархот.
Како што пишува британскиот „Мирор“, се шпекулира дека кралот еднаш неделно ќе се враќа во Лондон на „високо специјализирано“ болничко лекување на кралскиот имот Кларенс хаус. Во остатокот од неделата, се претпоставува дека кралот ќе се враќа во Сандрингам во Норфолк за да се одмора.
„Лекувањето на ракот многу напредна во последните години и е понапредно од претходно. Ефикасноста е значително подобрена“, истакна изворот за „Мирор“.
Кралот не се откажува од својата неделна аудиенција кај премиерот, која обично се одржува во среда. Даунинг стрит и Бакингемската палата презедоа необичен чекор да ги потврдат деталите од разговорот меѓу двајцата вчера, во обид да докажат дека кралот ги продолжува своите должности.
Неделната аудиенција помеѓу кралот Чарлс и Риши Сунак се очекува да продолжи на 21 февруари, нешто повеќе од две недели од дијагнозата на кралот. Претставниците на палатата велат дека ако не е можно да се одржи состанок во живо, тој ќе се одржи виртуелно, а истите правила ќе важат и за состаноците на Државниот совет на Велика Британија.
Јавните должности на кралот се, исто така, одложени за да се намали ризикот од инфекција или изложеност на вируси додека тој е подложен на третман, за кој се вели дека е „пионерски и помалку инвазивен“ од претходните методи.