Осум натпревари се одиграа изминатата вечер во НБА лигата, а дербито помеѓу Лос Анџелес Лејкерс и Милвоки донесе возбудлив натпревар во кој на крајот со минимален триумф (123:122) се радуваа Лејкерс.

Лејкерс во овој натпревар беа без Леброн Џејмс и во негово отсуство најдобар на теренот беше Дианџело Расел кој постигна 44 поени. Во редовите на поразените Јанис Адетокумбо постигна трипл-дабл со 34 поени, 14 скока и 12 асистенции.

На домашен терен Оклахома беше подобра од Мајами Хит со 107:100. Најрасположен за игра беше Шеј-Гилџс Александер кој уфрли 37 поени. Кај поразените најмногу се истакна Хаиме Жакез со 25 постигнати поени.

ОСТАНАТИ РЕЗУЛТАТИ: Вашингтон – Шарлот 112-100, Филаделфија – Њу Орлеанс 103-95, Орландо – Њујорк 98-74, Кливленд – Минесота 113-104, Мемфис – Атланта 92-99, Портланд – Хјустон 107-123.