Најдобриот тим во Западната конференција, ЛА Лејкерс со 118:109 го совлада Њу Орлеанс пеликанс, во натревар во кој „езерцата“ постојано беа во водство и не дозволија неизвесна завршница.

Леброн Џејмс за прв пат сезонава постигна повеќе од 40 поени на кои им додаде и 8 скокови и шест асистенции, притоа надигрувајќи го првиот пик на драфтот, Зајон Вилијамсон кој постигна 29 поени.
Голем удел во 44. победа сезонава за Лејкерс имаше и Дени Грин кој постигна 17поени, а Ентони Дејвис даде 21 поен, додека во редовите на Њу Орлеанс, најрасположен за игра беше поранешниот езерџија, Брендон Инграм со 34 поени.

Бостон селтикс го совлада Портланд со 118:106, а нов одличен натпревар одигра Џејсон Тејтум кој постигна 36 поени. Џејлен Браун даде 24 поени за Бостон кој го оствари 40. триумф сезонава.

Во дербито на Истокот, Милвоки со 108:97 го совлада шампионот Торонто репторс. Шампионот пред крајот на полувреме имаше предност од 12 поени, но Милвоки одговори со серија од 11:1, за со одлична игра да продолжат во второто полувреме и Милвоки без проблеми дојде до 50. победа сезонава.

Најефикасен кај Милвоки беше Крис Мидлтон со 22 поени, додека Јанис Адетокумпо одигра фантастичен натпревар со 19 поени, 19 скокови и 8 асистенции. Кај шампионот, Паскал Сиакам беше најпрецизен со 22 поени.

Резултати:
Индијана-Шарлот 119:108
Торонто-Милвоки 97:108
Чикаго-Оклахома 122:124
Денвер- Детроит 115:98
ЛА Лејкерс – Њу Орлеанс 118:109
Портланд-Бостон 106:118
Голден Стејт – Сакраменто 94:112