Лајчак: Со Вучиќ разговаравме за враќање на Србите во институциите, енергијата и исчезнатите лица
Специјалниот претставник на Европската унија за дијалог меѓу Белград и Приштина и други регионални прашања за Западен Балкан, Мирослав Лајчак изјави дека „денес во Белград разговарал со претседателот на Србија Александар Вучиќ за продолжувањето на дијалогот и враќањето на Србите во косовските институции“.
Лајчак на Твитер изјави дека се разговарало и за енергетскиот патоказ и за исчезнатите лица.
In Belgrade today, I discussed the way forward on normalisation of relations as a follow-up to the last Dialogue meetings with @predsednikrs @avucic. We also spoke about current issues, including return of Kosovo Serbs to Kosovo institutions, Energy Roadmap and missing persons. pic.twitter.com/NlhE9bfOxm
— Miroslav Lajčák (@MiroslavLajcak) December 5, 2022
„Денеска во Белград разговарав за патот кон нормализација на односите како продолжение на последните средби за дијалог со претседателот на Србија, Александар Вучиќ. Разговаравме и за актуелните прашања, вклучително и враќањето на косовските Срби во косовските институции, енергетскиот патоказ и исчезнатите лица“, рече Лајчак.
Вучиќ по денешната средба изјави дека со Лајчак разговарал за последните настани на Косово и за проблемите со кои се соочуваат Србите поради како што наведе едностраните и непромислени потези на Приштина.