Кузеска: Лагите на Арсовска се демантирани од ЕБОР, БРТ е издржан и еколошки проект
Потпаролката на СДСМ, Богданка Кузеска на прес-конференцијата изјави дека градоначалничката на Скопје, Данела Арсовска во првите месеци од мандатот „не работи ништо и само нанесува штета на Град Скопје и неговите граѓани“.
Нејзините лаги околу оправданоста на Бас рапид транзит системот се директно демантирани и од Европската банка за обнова и развој која одобри средства за финансирање на овој проект, изјави Кузеска.
Таа вели дека од ЕБОР истакнуваат дека сите проекти вклучувајќи ги и БРТ системот, подложат на детални проверки пред да бидат одобрени.
Главната цел на проектот е значајно да се подобри нивото на услуги на јавен транспорт и да се помогне во намалување на загадувањето во Скопје, кој во моментов е еден од најзагадените градови во Европа, истакнуваат од Европската банка за обнова и развој за БРТ системот, смета Кузеска.
Според Кузеска, проектот Бас рапид транзит е разгледан од Европската банка за обнова и развој а оценката за неговиот импакт е оценета со 70, на скала од 0 до 100, со што тој е на граница помеѓу добри и силни проекти оценети од Банката.
Стопирањето на овој проект од страна на Арсовска заради лични хирови, не само е на штета на градот и скопјани, туку директно го поткопува меѓународниот углед на Град Скопје, додаде таа.