Вториот економски пакет на Владата од 200 милиони евра овозможува директна помош за сите граѓани, за работниците, за стопанството, малите и средни претпријатија, дуќаните, занаетчиите и сите оние кои се дел од неформалната економија, спортистите, уметниците…

Дури 87 отсто од компаниите можат да аплицираат за овие мерки, а ќе бидат опфатени околу 250.000 работни места и околу 35.000 компании. Сумата што ќе ја добие секој работник, за двата месеци, изнесува 29.000 денари, односно по 14.500 денари месечно, изјави денеска портпаролот на СДСМ, Богданка Кузеска.

Таа дообјасни дека за времетраење на финансиската поддршка, четири месеци после нејзиното престанување, работодавачот има обврска да го задржи истиот број на вработени што го имал во месецот кога побарал финансиска поддршка.

Како алтернатива на оваа мерка, компаниите можат за изберат да ја користат и мерката за покривање на 50 отсто од придонесите на платите на своите вработени, вели Кузеска.