Албин Курти во воведното излегување каде ја претстави програмата на новата влада изнесе неколку приоритети. Мандатарот за состав на владата рече дека со Србија ќе применат целосен трговски реципроцитет.

„Потполно сум спремен да водам дијалог со Белград, ќе направам тим кој ќе се посвети на тоа“, нагласи Курти.

Тој предложи лустрација во сите сектори која треба да се спроведе во рок од 24 месеци и најави дека воената служба ќе биде задолжителна и ќе трае три месеци.

„Ќе бидеме влада која ќе ги казнува воените злосторства и агресија, а ќе спремиме закон кој ќе биде за сторени воени злосторства и агресија“, рекол Курти.

Курти како што вели, на основа на меѓународни закони и права „ќе спреми тужба против Србија за воени злосторства, геноцид и агресија“.