Ромалд Куман сè уште ја нема целосната доверба од новата управа на Барселона и поради тоа неговата иднина на клупата на каталонскиот тим и понатаму е неизвесна.

Шпанскиот новинар Алфредо Мартинез и денеска како и неколку пати изминатиот период тврди дека Чави Ернандез е блиску до клупата на Барселона.

Според новинарот, во нотесот на претседателот Жоан Лапорта нема ниту едно друго име, иако јавноста шпекулираше дека сака еден од германските тренер Томас Тухел, Јулијан Нагелсман и Ханси Флик да седне на клупата но сите тие имаат ангажман.

Наводно Чави е подготвен да се врати во Барселона, посебно откако претседател е Жоан Лапорта, но го чека вистинскиот момент. Тоа би требало да биде идното лето, а покрај Чави би требало да пристигне Хосе Гаја како засилување во одбраната.