Кривокапиќ: Изјавата на Ѓукановиќ покажува кој ги создава тензиите во Црна Гора
Црногорскиот премиер Здравко Кривокапиќ денес оцени дека изјавата на претседателот Мило Ѓукановиќ за устоличувањето на митрополитот црногорско-приморски на СПЦ, Јоаникиј, сосема го разоткри инспираторот на тензиите во Црна Гора, објави агенцијата Бета.
Реагирајќи на денешниот апел од Ѓукановиќ устоличувањето на Јоаникиј да не биде во манастирот во Цетиње туку во некој друг храм, Кривокапиќ рече дека Митрополијата црногорско-приморска има право да го изврши свечениот чин во вековното седиште на Митрополијата во Цетиње, пишуваат подготички Вијести.
-Каде ќе биде тој ден претседателот Ѓукановиќ е најмалку важно, но важно е да престане да предизвикува и подгрева судири, поделби и тензии, рече Кривокапиќ.
Тој додаде дека државата ќе ги обезбеди сите потребни услови за СПЦ како најдоминантна верска заедница во Црна Гора да го оствари своето со Устав загарантирано право.
Ѓукановиќ: Да не се инсистира на устоличување на митрополитот Јоаникиј во Цетиње