Крај на сапуницата: Ванда му прости на Мауро Икарди
Ванда Нара одлучи да му прости на сопругот Мауро Икарди за наводното неверство. Таа го обвини својот сопруг за недолично однесување, а со објавата на социјалните мрежи исто така навести дека бракот нема да се распадне.
„Јас се грижам за своето семејство, а животот ќе се погрижи за кучките. На ист начин“, стоеше во пораката која Ванда Нара ја напиша под фотографијата на која таа е заедно со својот сопруг.
Дел од пораката беше упатена и за аргентинската актерка Еухениа Суарез со која наводно Мауро Икарди ја изневерувал Ванда Нара.
Веднаш по пораката на Ванда, се огласи и актерката која порача дека не сака да биде жртвено јагне.
– Го пишувам ова писмо за да ставам крај на лагите, малтретирањето во конструкцијата на приказната во која се манипулира за уште еднаш да бидам жртвено јагне за медиумиското насилство. Долго молчев поради неколку причини, а главните се стравот и неискуството. Не знаев како да го наречам нивото на лаги кои се изговараат во ТВ прилозите. Тоа што денеска се случува има поголема и подлабока приказна во која многу жени ќе се пронајдат. Морав да се „пресметувам“ со мажи во чии зборови секогаш верував: дека се разведени или во процес на развод. Во последната ситуација во која се најдов чувствувам дека е „дежа ву“, каде уште еднаш плаќам со својата репутација“, пишува Еухениа Суарез.