Ако се усогласат со законот и ги променат иињата бугарските клубови „Иван Михајлов“ и „Цар Борис Трети“ ќе продолжат да работат, информира денеска премиерот Димитар Ковачевски.

– Тие што нема да поднесат барање до Централниот регистар нема да продолжат да работат, согласно законите. Културните клубови треба да бидат места што ги зближуваат народите и граѓаните, а не да бидат места каде што со своите имиња будат негативните чувства и ги разединуваат граѓаните. Законот ќе биде спроведен во целост како што се спроведуваат сите други закони – порача денеска Ковачевски.

Охридското здружение „Цар Борис’“ на 10 февруари поднело барање за да се усогласи со Законот за здруженијата и фондациите, а битолското „Иван Михајлов“ не. Претседателот на ова здружение најави дека ќе се тужи.
Закониот забранува здруженијата да имаат називи на личности и настани поврзани со фашизам, нацизам, третиот рајх итн.