„Кошмарот“ трае: ФИФА му забрани трансфери на Вардар!
Нема да можат да се засилат со нови играчи во новата натпреварувачка сезона, а добија и плус парична казна за „случајот Максим Максимов“.
Рускиот напаѓач Максимов пред да потпише за најтрофејниот клуб се промовираше како најдобар стрелец во квалификации за Лига Европа во 2017 година, беше и двоен стрелец против Шкендија.
По оваа информација од ФИФА, литванскиот клуб Тракаи се пофали на својата веб – страница дека го добила спорот.
Не одигра ништо позначајно во дресот на Вардар, иако најавен како огромно засилување, Максимов ќе го чини скопскиот тим и „тапкање во место” во најчувствителниот период за клубот во последните неколку години.
Скоро секојдневно се соочува со низа проблеми, претходно клубот не доби лиценца за настап во Европа.
Летово се очекува голема реконструкција и во тимот, но сега првите луѓе ќе се фокусираат само на најавените заминувања, на Фелипе, Попов, Битанг…