Кошаркар на Партизан позитивен на корона, имал контакти и со НБА ѕвездата Јокиќ
Кошаркарот на Партизан, Никола Јанковиќе позитивен на коронавирус, објавија медиумите во нашиот северен сосед. Јанковиќ се пожалил дека во изминатите денови не се чувствувал добро, имал температура и од лекарскиот тим на Партизан му било препорачано да се тестира на корона.
Тестот покажал дека тој е позитивен на ковид-19 поради што целиот тим на Партизан и стручниот штаб ќе мора исто така да се тестираат. Кошаркарите на Партизан од минатиот месец се во тренажен процес, а неодамна на тимот му се приклучи и тренерот Андреа Тринкиери кој дојде од Италија.
„На Никола Јанковиќ му посакуваме брзо и успешно опоравување“, објави КК Партизан.
Веста за случајот на Јанковиќ го исплати и еден од најдобрите центри во НБА лигата, Никола Јокиќ кој заедно со кошаркарот на Партизан присуствуваше на ревијалниот натпревар во чест на Дејан Милојевиќ.
Јокиќ најдоцна до вечер треба да се врати во САД, каде што треба да ги мине протоколите за да може да му се приклучи на својот тим во подготовките за продолжување на НБА-сезоната, чиј рестарт е договорен за 31 јули.