„Кориере дела Сера“ за коронавирусот: Победија посиромашните европски земји

Три месеци од почетокот на кризата со коронавирусот во Европа, епидемиолошките податоци покажуваат дека помалку богатите земји во Европа ги „победија” побогатите на Стариот континент, односно тие имаат помалку жртви од економски посилнните европски земји, пишува Кориере дела Сера.

Во написот под наслов „Коронавирусот во Европа: Зошто Романија, Бугарија, Албанија и Грција имаат помалку смртни случаи”, весникот вели дека „послабите држави” имаат помалку жртви  од Ковид-19, бидејќи тие рано воведоа строги мерки.

Романија, Бугарија, Грција, Албанија, Унгарија и Словачка имаа многу помалку смртни случаи од Ковид-19 за разлика од „побогатиот дел” на Европа како Франција, Германија, Швајцарија, Шведска, Белгија, Данска и Велика Британија, посочува весникот.

„Среќа? Можеби. Можеби помал број заразени луѓе заминаа во централна и источна Европа во клучните недели од јануари и февруари”, пишува Кориере дела Сера.
Но се потенцира и дека податоците укажуваат на тоа дека некои земји биле повеќе свесни за кревкоста на нивниот систем на здравствена заштита и затоа не ја потцениле ситуацијата на Шпанија и Италија, па одлучиле да применат строги правила уште во раната фаза.

Прочитајте и...  Македонските компании препознати меѓу странските приватни фондови

Весникот укажува на 15 март како пример за разбирање на различните патеки по кои тргнаа двата дела на Европа – истокот и западот. Тогаш Италија веќе имаше 1.809 жртви на Ковид-19 и 24.000 заразени, во Шпанија имаше 294 смртни случаи и 7.988 заразени, Франција, трета земја меѓу најтешко погодените земји, пријави 127 смртни случаи од коронавирусот и 5.423 позитивни случаи, а „остатокот од Европа сметаше дека е речиси недопрен”.

„Многумина во остатокот на Европа премолчено се сомневаа дека епидемијата во јужна Европа е резултат на неорганизираноста во тие земји”, се вели во написот.

Според индексот на универзитетот Оксфорд, кој го следи и споредува одговорот на земјите ширум светот на Ковид-19  со поени од 1 до 100, што е за максимално затворање, Албанија имала 84, Словачка 71, Романија 67, Полска 60, Унгарија 59, Грција 57. Во побогатите земји ситуацијата беше поинаква, пишува италијанскиот весник, додавајќи дека Германија имала 37, Франција 50, Белгија 53, Велика Британија 11 и Швајцарија 46 поени.

Прочитајте и...  Субвенционираните плати отворија нови 1.346 работни места

Затегнувањето на мерките во Западна Европа дојде кон крајот на март, десет дена подоцна, кога веќе беше јасно дека епидемијата не е проблем само на Италија или Шпанија.

Сега веќе има знаци дека економски силните европски земји скапо ги чинеше потценувањето на ситуацијата, додека претпазливоста на посиромашните земји се исплатеше, се вели во текстот.

Исто така, се посочува дека, според веб-страницата „Ворлдеметерс”, Албанија има 11 смртни случаи од Ковид-19 на милиони жители, додека Велика Британија има 536, Грција има 16, а Белгија 795, Словачка пет жртви на милион жители и Франција 432.

Прочитај повеќе

Реновирани двете гинеколошки операциони сали во болницата во Чаир, почната е гасификација на котелот за парно греење

Слободен печат

Атанасов од АХВ: Граѓаните кои се сомневаат дека имаат труење со храна веднаш да пријават, за да се излезе на терен и да се земат примероци (ВИДЕО)

Слободен печат

Француските научници заклучија: Сезонските коронавируси не ги штитат децата од Ковид-19

Слободен печат

Турција спречи обид за шверцување на 276 мигранти

Слободен печат

Загрижувачка ситуација за 74.000 вработени: Намалена потрошувачката на сладолед во Италија

Слободен печат

СЗО го разгледуваат отвореното писмо од научниците за нови препораки за заштита од коронавирус

Слободен печат

Остави Коментар

Прочитај повеќе

Градоначалничката на Атланта е позитивна на коронавирус (ВИДЕО)

Слободен печат

Бабовски: До крај на јули може да се аплицира за добивање субвенции за земјоделството по Програма 2020 година

Слободен печат

Британската амбасадорка во Црна Гора запрепастена: Минувач намерно кашлаше во нас

Слободен печат

Заев: Забегуваат политичарите после два мандати, долгото седење во власта направи богови од ДУИ (ВИДЕО)

Слободен печат

Ендрус: Мелбурн повторно под карантин, ситуацијата е покомплицирана од претходно

Слободен печат

ГДУ: Заев, Мицковски и Ахмети да се откажат од пратеничките или премиерските плати и бенефиции

Слободен печат