Американскиот претседател Џо Бајден на денешниот виртуелен состанок со премиерите на Австралија, на Индија и на Јапонија ја почна заедничка иницијатива за „драстично” зголемување на производството на вакцини против ковид-19 во Југоисточна Азија, прва фаза од неговата дипломатска офанзива против Кина.

Ова е првпат Квад (Quad), неофицијален сојуз формиран во 2000-те, како противтежа на зајакнувањето на кинеската моќ и обновен од Доналд Трамп, да одржи самит.

– Ова е исто така прв мултилатерален самит што имам можност да го организирам како претседател. САД се решени да соработуваат со сите наши сојузници во регионот за да работат заедно за да обезбедат стабилност, нагласи Бајден на почетокот на виртуелната конференција со Јапонецот Јошихиде Суга, Индијанецот Нарендра Моди и Австралиецот Скот Морисон.

Друг знак за важноста на Азија во надворешната политика на Бајден е доаѓањето на јапонскиот премиер во САД во април, каде што тој ќе биде првиот странски лидер кој лично ќе го прими новиот претседател на САД.