Конте го разбуди Тотенхем и го носи кон топ 4 во Премиер лигата

Тотенхем во трите натпревари во Премиер лигата под водство на Антонио Конте има скор од две победи и едно реми/ фото: EPA-EFE/ANDY RAIN

Фудбалерите на Тотенхем вечерва го совладаа Брентфорд со 2:0 во рамки на 14 коло од Премиер лигата и ја запишаа втората победа по ред.

Од доаѓањето на Антонио Конте за менаџер, екипата игра подобро и на три натпревари освоија седум бода, и сега имаат 22 за шесто место на табелата. Дури ни пласманот во топ 4 не е далеку, четвртопласираниот Вест Хем има само два бода повеќе.

Тотенхем поведе во 12 минута со автоголот на Серхи Канос по центаршутот на Сон. До полувремето, Тотенхем имаше можност да ја зголеми предноста, но голманот Фернандес одлично интервенираше по шутевите на Сон и Хојберг.

Дилемите околу победникот беа решени во второто полувреме, поточно во 65 минута кога Сон постигна гол за конечни 2:0.

Видео на денот