Клоп се подготвува за наредната сезона: Нема да ја браниме титулата, туку ќе ја нападнеме
Менаџерот на Ливерпул, Јирген Клоп изјави дека неговата екипа во следната сезона попрво ќе ја нападне титулата во Премиер лигата отколку што ќе ја брани.
Ливерпул сезонава конечно по пауза од 30 години дојде до титулата во Премиер лигата, но менаџерот на „црвените“ вели дека нема намера да запира тука.
– Нема да ја браниме титулата во наредната сезона, туку ќе ја нападнеме. Научив дека кога мислите дека сте го достигнале врвот, веќе сте кренале во надолна линија. Манчестер сити ќе биде силен наредната сезона, Манчестер јунајтед исто така, Челси е моќна екипа. Сосема е јасно дека Сите е неверојатен тим, Јунајтед се наоѓа во одлична форма, додека Челси заврши голема работа со трансферите – смета Клоп кој ги поздрави зборовите на неговиот колега од Сити, Пеп Гвардиола, дека фудбалерите на Ливерпул ќе добијат шампионски шпалир на меѓусебната средба.