Клоп против Лигата на нации: Една од најлудите идеи во светот на фудбалот!
Како што се наближува крајот на мај, најдобрите европски фудбалери се при крај со натпреварувањето во националните првенства, но наскоро ќе се префрлат во УЕФА Лигата на нации. Започнува на 1 јуни и ќе донесе голем број на натпревари во првата половина од месецот.
Менаџерот на Ливерпул, Јирген Клоп многу добро знае дека обврските во репрезентациите драстично ќе им го скратат одморот на играчите и затоа, најблаго кажано, не е среќен.
– Секогаш е лоша идеја кога има повеќе натпревари. Често сум зборувал за тоа. Лигата на нации на УЕФА е една од најлудите идеи во светот на фудбалот. Играчите одиграа повеќе од 70 натпревари и ние продолжуваме сезона со натпревари од Лигата на нации. Четири, пет, шест натпревари со репрезентацијата. Би сакал УЕФА да ги земе парите од финалето на Лигата на шампионите и да се ослободи од тоа натпреварување – вели Клоп.
Македонија преку новото формирано УЕФА натпреварување „Лигата на нации“ успеа за првпат во својата историја да се пласира на едно големо натпреварување, во овој случај Евро 2020.
Избраниците на селекторот Благоја Милевски ќе го стартуваат новото издание, во рамктие од Лигата „Ц“ на 2 јуни со натпреварот против Бугарија на гостински терен во Разград.
На 5 јуни повторно гостуваме овојпат кај Гибралтар, потоа на 9 јуни во Скопје ќе ја пречекаме Грузија. Три дена подоцна, на 12 јуни, на нашиот најголем стадион сме домаќини на Гибралтар.