„Старата дама“ со 1:3 славеше на гостувањето кај Џенова за која капитенот на македонската репрезентација Горан Пандев, кој во игра влезе во 78. минута.

Јувентус сите дилеми околу победата ги реши на стартот од второто полувреме, прво Пауло Дибала во 50. минута донесе предност од 0:1, а седум минути подоцна Кристијано Роналдо ја зголеми предноста. Во 73. минута Даглас Кошта зголеми на 0:3, а Џенова успеа преку Пинамонти само да постигне почесен погодок.

Претходно Лацио со пресврт успеа да совлада Торино со 1:2.
Најдобриот играч на Торино, Андреа Белоти уште во петтата минута му донесе предност на својот тим, но Лацио на втор натпревар едноподруго прави пресврт во второто полувреме. Чиро Имобиле и Марко Пароло ги дадоа головите за Лацио кој остана зад Јувентус на минус четири бода во трката за титулата.