По натпреварот со Сигал Приштина, тренерот Александар Јончевски си поднесе неотповиклива оставка, информираат од косовскиот кошаркарски клуб Трепча.

На последниот меч Трепча загуби убедливо од Сигал Приштина со 53:88 по што се донесе одлука за прекин на соработката со македонскиот селектор.

Трепча му се заблагодарува на Јончевски за придонесот додека беше на чело на тимот и му посакува голем успех во продолжението на кариерата. Клубот ја цени работата што ја направи со тимот, неговото професионално ниво и максималната посветеност.

Јончевски дојде да остане до крајот на првенството, но резултатите изостануваат и почувствува морална обврска да поднесе оставка.

Моментно во најсилниот кошаркарски шампионат на Косово Сигал Приштина е лидер со 31 бод, додека Трепча е на четвртата позиција со 27.