Израелски фудбалски тренер на Хапоел Тел Авив убиен во напад во Египет
Израелскиот фудбалски тренер Алон Шамли во помладите категории на Хапоел Тел Авив e убиен во напад во Египет.
Информациите велат дека полицаец отворил оган врз израелски туристи. Шамли, кој беше меѓу туристите, за жал не го преживеа нападот. Мотивите зад пукањето остануваат нејасни, а израелското Министерство за надворешни работи моментално води интензивна истрага за трагичниот инцидент.
Веста за смртта на Шамли ја соопшти Хапоел Тел Авив, клубот во чија младинска школа работеше.
– Еден од тренерите на младинската школа, Алон Шамли е убиен во терористички напад во Египет. Во младинската школа на Хапоел дојде пред година и пол, кога минатата сезона работеше како главен тренер на третата екипа, а оваа сезона работеше како помошник на првиот тим.
Просветен работник, вистински спортист, скромен, имаше многу страст за фудбалот. Имаше одличен однос кон децата, го сакаа и фудбалерите и колегите – се вели во соопштението на Хапоел.
View this post on Instagram
