Во Францускиот институт во Скопје на 26 јануари, во 17 часот, ќе биде отворена изложбата „Моливерзум“, на која ќе бидат претставени креации на дела од студентите на Институтот за дизајн и инженеринг на облека при Технолошко-металуршкиот факултет и на студенти од Катедрата за француски јазик при Филолошкиот факултет во Скопје.

Изложбата упатува силна порака за времето во кое живееме и дилемите пред кои се наоѓаат новите технологии, воедно толкувајќи го делото на славниот француски писател Молиер од денешна перспектива.

Изложбата е создадена со креативно водство на Лидија Георгиева, професорка на Технолошко-металуршкиот факултет и позната модна дизајнерка.

Поддршката во реализацијата на изложбата „Моливерзум“ доаѓа од Францускиот институт во Скопје.