Јужнокореецот Џунг Чеол-вон целиот живот ќе жали поради тоа што преарното ги кренал рацете за да ја прослави победата во финалната штафетна трка со ролери на 3.000 метри на Азиските игри во Кина.

Џунг не само што остана без златниот медал, туку и ќе мора да го отслужи 18-месечниот воен рок, кој во Јужна Кореја е задолжителен за сите мажи на возраст до 30 години. Изземени се врвните спортисти со победи на Олимписки игри, светски или континентални првенства.

Јужнокореецот бил убеден дека во завршниот спринт му побегнал доволно на Хуанг Ју-лин, но не забележал дека Тајванецот ја испружил левата нога далеку пред себе, доволно за да помине низ целта за една стотинка побрзо.

– Направив голема грешка. Не поминав низ целта со полна брзина. Го спуштив гардот прерано. Многу ми е жал – изјави Џунг.

South Korean 🇰🇷 roller-skater Jung Cheol-won lost Korea a Gold Medal 🥇 after an early celebration which cost Chinese Taipei to win the 3000m relay race by 0.01 seconds 🚨

Netizens are saying that “The Gold medal is gone, here comes military service” in which Koreans are… pic.twitter.com/0PgkcYCTig

— Forberge (@forbergenews) October 2, 2023

Грешката на Џунг може да го „заглави“ 18 месеци во војска и неговиот партнер во штафетната трка Чои Ин-хо. За утеха, 27-годишниот Џунг и 22-годишниот Чои ќе имаат уште една шанса да се извлечат од воената обврска, ако стигнат до златото на следните Азиски игри во Јапонија во 2026 година.