Македонскиот тенисер Калин Ивановски го заврши настапот на турнирот во српската Куршумлиска Бања во четвртфиналната фаза, откако беше приморан да го предаде мечот против првиот носител на турнирот, Свјатослав Гулин, поради повреда.

Meчот започна лошо за Ивановски, по израмнување на 1-1 во првиот сет, рускиот тенисер направи серија од пет последователни гема и го освои сетот со убедливи 6-1.

Во вториот сет, Ивановски успеа прв да поведе со 1-0, но Гулин брзо возврати со три добиени гема за водство од 3-1. Во петтиот гем, по само еден одигран поен, македонскиот тенисер се повлече од мечот, очигледно поради повреда.