Италијанецот Сантарели е новиот селектор на српските одбојкарки
Актуелниот тренер на италијанскиот шампион Имоко Волеј Конелјано, Даниеле Сантарели е новиот селектор на женската одборкарска репрезентација на Србија. Сантарели потпиша договор со Одбојкарската федерација на Србија до 2025 година, а доаѓа на местото на Зоран Терзиќ кој цели 20 години ги предводеше одбојкарките.
– За мене е чест и привилегија да бидам селектор на женската репрезентација на Србија која е една од најдобрите на светот. Ги следев нивните игри минатата година и навистина им се воодушевувам на постигнатите резултати и постојаната желба за победа која ги кради. Ќе се обидеме да го задржиме континуитетот на добри резултати – изјави 41-годишниот Сантарели.
Даниеле Сантарели со Конелјано освои четири титули во италијанскиот шампионат, три купа на Италија, четири Суперкупа на Италија и по една титула во Лигата на шампионите и во Светското клупско првенство.
Италијанецот има селекторско искуство, тој од 2018 до 2022 година седеше на клупата на репрезентацијата на Хрватска.
View this post on Instagram