Италија повторно ќе ги отвори производствените капацитети на 4 мај во согласност со мерките за ублажување на карантинот, а училиштата ќе с еотворат дури во септември, изјави премиерот Џузепе Конте во интервју за весникот Ла Република.

„Работиме на тоа да овозможиме повторно отворање на поголемиот број компании, од прозиведствени до градежни, од 4 мај“, изјавил Конте и додал дека мерките ќе бидат претставени најдоцна до почетокот на следниот месец.

Италија беше првата европска земја тешко погодена од новиот коронавирус и прва воведе карантин во март.

Светот внимателно ги следи нејзините постапки за повтоното отворање на економијата, додека други исто така тешко погодени земји, разгледуваат различни мерки.

Конте изјави дека компаниите треба да воведат строги здравствени сигурносни мерки пред да им се дозволи отворање.

Тој посочи и дека училиштата повторно ќе се отворат во септември, меѓутоа, додаде дека ризикот од зараза е многу висок. Учењето на далечина добро функционира, рече италијанскиот премиер.