Продолжува истрагата за атентатот врз професорот по историја и географија, Самуел Пати, откако во октомври, седум лица, вклучувајќи и двајца ученици од основно училиште, беа изведени пред лицето на правдата.

Според информациите објавени денеска, четворица други ученици се обвинети во истрагата за убиството на 16 октомври на професорот Пати, поради тоа што на своите ученици им покажал карикатури на Мухамед.

Тројца од малолетните лица на возраст од 13 и од 14 години, сега се обвинети за „соучесништво во терористички атентат”, со тоа што ја означиле жртвата на напаѓачот Абдулах Анзоров пред нивниот колеџ во Конфлан-Сант-Хонорин во Ивелин.

Четвртото лице, обвинето за „клеветничко обвинување”, е ќерка на Брахим Чхина, родител на ученичката кој стои зад медиумската кампања против професорот Пати.