Илија Несторовски меѓу играчите кои летово го напуштија Удинезе
Италијанските медиуми пренесуваат дека македонскиот репрезентативен напаѓач Илија Несторовски летово се раздели со Удинезе чии бои ги бранеше четири години.
Засега нема потврда од клубот кој денеска играше пријателски натпревар против Ал Рајан и славеше со 2:1 против тимот од Катар.
Покрај Несторовски во овој преоден рок, клубот од Удине го напуштија и капитенот Перејра, Удоџи, Мартинс, Арслан, Зегелар и Бенковиќ. Се спомнува и заминување на српскиот интернационалец Самарџиќ кој е пред трансфер во Интер.
Во текот на минатата сезона во Серија А нашиот 33-годишен напаѓач Несторовски имаше два голови во 21 настап.
Во клупската кариера беше дел и Палермо, Интер Запрешиќ, скопски Металург, Викторија Жижков, Словачко и Победа Прилеп.