Играчите се исплашени, имаат семејства и деца
Напаѓачот на Манчестер сити, Серхио Агуеро, изјави дека голем број на фудбалери се исплашени поради евентуалното враќање на тренинзите за време на пандемијата на коронавирусот.
Идејата на челниците на Премиер лигата и на британската Влада преку „Проект рестарт“ е сезоната да продолжи на 8. јуни, а фудбалерите би започнале со тренинзи од 18. мај.
Оваа идеја денеска повторно ќе се разгледува на состанокот на клубовите со Премиер лигата, но ѕвездата на Манчестер сити има поинаков став.
– Голем број на фудбалери се исплашени бидејќи имаат семејства и деца. Се плашам, но тука сум со својата девојка и нема да имам контакт со други луѓе. Заклучен сум во својата куќа и единствен кој што можам да го заразам е мојата девојка. Велат дека постојат позитивни на ковид-19 кои немаат никакви симптоми и несвесно го шират вирусот. Затоа и се изолирав, можеби имам вирус, а да не знам – изјави Агуеро.