И со своите 38 години шведскиот напаѓач покажува дека и натаму е во одлична форма и со право е еден од најдобрите фудбалери на светот. Златан Ибрахимовиќ реализираше и асистираше во неделата во градското дерби од Серија А меѓу Интер и неговиот Милан на „Џузепе Меаца“.

Но, тоа не беше доволно за победа на „росонерите“, односно во вториот дел „неро-аѕурите“ направија комплетен пресврт и славеа со 4:2.

Ibra la tocca pianino

Giornarlista:
"Questa Inter è da scudetto?"
Ibrahimovic: "NO"pic.twitter.com/ZkRmlK5Dmd

— SJP1897™ Official ⚪⚫ (@SJP1897) February 10, 2020

Со овие три бода Интер повторно е на првото место на табелата со ист број на бодови како и Јувентус, а во трката за шампионската титула се најде и Лацио.

Интер дефинитивно ќе се бори за „Скудетото“ до крајот на сезоната, но искусниот Ибрахимовиќ мисли дека тимот на Антонио Конте не е доволно квалитетен да се најде на тронот.

После мечот новинарите го прашаа Швеѓанецот дали Интер може да биде шампион оваа сезона во најсилното италијанско првенство, тој кратко одговори: „Не“. Ваквиот одговор најверојатно доаѓа поради поразот на Милан во градското дерби, но со ваквата изјава сигурно ги налути навивачите на Интер.