И Белорусија ја нападна Украина, лансирани 4 балистички ракети
Украински извори тврдат дека кон руската воена акција во Украина се приклучила и Белорусија.
„Четири балистички ракети се лансирани од Белорусија врз југозападниот дел на Украина“, се наведува во соопштението објавено на Твитер налогот на Врховната Рада на Украина.
From the territory of the Republic of #Belarus 4 ballistic missiles were launched towards Southwestern direction. pic.twitter.com/iP0lr5WJtS
— Verkhovna Rada of Ukraine (@ua_parliament) February 24, 2022
Инаку, руските сили рано утрово извршија напад од три страни на Украина, а експлозии одекнаа и во Киев.
Бомби најпрво почнаа да паѓаат врз североисточниот град Харков, но нападите потоа се проширија во централна и источна Украина.
Напади се пријавени и во градовите Одеса, Дњепар, Мариопол и Краматорск.
Путин најпрво ги најави нападот рано утрово, велејќи дека одлучил да спроведе воена операција и да ги заштити луѓето кои биле „изложени на злоставување и геноцид од режимот од Кииев веќе 8 години“.
Потоа украинскиот претседател Володимир Зеленски одговри дека разговарал со американскиот претседател Џо Бајден и дека САД подготвува поддршка за Украина.