Хорват: Само фокусирани и со правилен став можеме да го елиминираме Вардар!
Вардар ќе се обиде в сабота да обезбеди нов Фајнал-фор во регионалното натпреварување и ја одбрани предноста од првиот меч во Нашице (Хрватска) против Нексе (30:31).
Реванш натпреварот од четвртфиналето во СЕХА Газпром лигата е закажан за 29 август 2020 година со почеток во 20.15 часот во СЦ „Јане Сандански” во Скопје.
Вардарци предводени од тренерот Стевче Алушовски ја темпираа формата и со одигрување на пријателските натпревари, а истото досега го направи и составот на Хрвоје Хорват.
Стратегот на хрватската екипа тврди дека и натаму имаат одредени проблеми со повреди кај неговите играчи, под знак прашалник е настапот на Кевиќ, сеуште се рехабилитира Томиќ, а Возаб се опорави и имаше неколку тренинзи.
? ? ? ? ? ? ? ✅
? #ℍ?ℕ?????????ℂ? ✅
? #??ℍ???ℕ??? ✅? ?? ?ℝ? ℝ???? ?#SEHALeague #Gazprom #experiencehandball @RKZagreb pic.twitter.com/2fMMzyYPSz
— SEHA-GAZPROM LEAGUE (@SEHALeague) August 27, 2020
– Секоја екипа се бори со повреди, бидејќи се работи за една непредвидлива сезона, а кажавме уште на почетокот дека брзо треба да се прилагодиме. Со голема самодоверба одиме во Скопје и сигурен дека ќе одиграме еден прав натпревар.
Нашиот ривал и натаму е актуелен европски шампион и не треба да се трошат многу зборови за каков клуб станува збор. Во претходните години Вардар покажа и кога му е најтешко, може да биде уште поопасен. Но, и тие имаат одредени проблеми со повреди. Од нас очекувам да бидеме фокусирани на нашата игра и дека со правилен став ќе го добиеме натпревар и ќе се пласираме на Ф4 турнирот – вели тренерот Хорват.
Во редовите на Вардар поради позитивниот тест за Ковид-19 на Стојанче Стоилов, репрезентативниот пивот ќе го пропушти мечот, а во составот се враќаат Ловро Јотиќ и Кристијан Дисингер.
Потсетување на завршниот турнир во Задар веќе се наоѓаат екипите на Веспрем, Мешков Брест и ППД Загреб.