Харден си заминува од Бруклин, сака да игра само за еден клуб
Вечерва завршува рокот до кој НБА клубовите можат да прават размени на кошаркари, а главна тема во медиумите во САД и судбината на Џејмс Харден.
Ѕвездата на Бруклин нетс, Џејмс Харден, не е задоволен од својот статус во екипата и во последните неколку дена бара од раководството да го разменат и во предвид доаѓа само еден тим, Филаделфија сиксерс.
Бруклин веќе достави една понуда до Филаделфија но беше експресно одбиена бидејќи бараше премногу. Челниците на Бруклин за да го испратат Харден во Филаделфија ги побараа Бен Симонс, Сет Кари, Матис Тубил и Андре Драмонд.
Харден и понатаму врши притисок врз управата на Бруклин да го размени уште сега бидејќи на лето дефитинивно си заминува. Имено, договорот на Харден истекува на крајот од сезонава и ол стар бекот нема намера да преговара до Бруклин за нов договор.
Харден ги пропушти последните неколку натпревари на Брулин поради повреда на ногата, но медиумите во САД се сомневаат дека кошаркарот со тоа врши притисок што побрзо да биде разменет.
Покрај Харден, до крајот на рокот кој завршува во 21 часот по средноевропско време, блиску до размена е и Расел Вестбрук од ЛА Лејкерс кој би можел да заврши во Њујорк никс, Хјустон рокетс или Орландо меџик.