На стартот од подготовките за новата сезона во НБА лигата, главна ѕвезда беше кошаркарот на Филаделфија сиксерс, Џејмс Харден кој пред новинарите се појави значително послаб од минатата сезона и потоа ги шокира сите со неговата изјава.

– Од завршувањето на минатата сезона и за време на летото ослабен 45 килограми – изјави Харден.

Во моментите кога Харден ја изговори оваа реченица, неговиот соиграч Џоел Ембид прсна од смеа.

Новинарите го прашаа Харден дали е сериозен или само се шегува, но тој повторно им даде мистериозен одговор.

– Последните година и половина навистина не бев доволно добар за да ја работам работата на која сум навикнат.

Џејмс Харден е висок 196 сантиметри и е тежок околу 100 килограми. Тој целото лето го помина на специјална исхрана и доби на мускулна маса што би требало да му помогне да биде побрз.