Харадинај: Косовските институции не смеат да бидат рамнодушни на хашкото обвинение против лидерите на ОВК
Лидерот на Алијанса за иднина на Косово (АБК), Рамуш Харадинај порача дека косовските институции не смеат да бидат рамнодушни на фактот дека е покренато обвинение против лидерите на ОВК во Хаг, пренесува „Репортери“.
Тој го критикуваше коалицискиот партнер, актуелниот премиер Авдулах Хоти, велејќи дека не треба да држи предавања за тоа дали да се меша во правдата, туку треба да ја „факторизира позицијата на Косово по неодамнешните настани”.
Во однос на прашањето на претседателот, Харадинај повторно стави до знаење дека ако не се постигне единство во политичките партии по ова прашање, Косово ќе излезе на избори.
– ДСК и ние пристапивме да преземаме одговорности во ова тешко време. Добро е да има разбирање од другите, не само од владејачките партнери, туку и од „Самоопределување“ или ДПК, ако не, тогаш одиме на избори, рече Харадинај, пренесува „Косово онлајн“.