Халанд е феномен, одигра 60 минути, а е прогласен за играч на месецот во Бундеслигата
Младиот Норвежанец во јануари пристигна во Борусија Дортмунд од Салзбург и во јануари одигра само 59. минути во Будеслигата.
Сепак и тоа беше доволно да ја покаже високата класа, во два натпревари на кои влезе од клупата и одигра само 59. минути, постигна неверојатни пет голови.
Bundesliga Rookie of the Month ✅
Bundesliga Player of the Month ✅Here’s to many more, Mr. Haaland ? pic.twitter.com/bLJxTmyIR7
— Borussia Dortmund (@BlackYellow) February 14, 2020
На Аугсбург во првиот натпревар како фудбалер на Борусија Дортмунд даде три гола, а во вториот против Келн постигна два гола.
Настапите на овие два натпревари беа доволни за да биде прогласен за најдобар фудбалер во Бундеслигата за јануари.
Халанд не престана да дава голови и во февруари и досега четири пати ја тресеше мрежата на противниците.
На Унион Берлин му даде два гола, а по ред постигна на натпреварите против Вердер во германскиот Куп и против Ајнтрахт во Бундеслигата.
Од пристигнувањето во Борусија, Халанд само на еден натпревар не постигна гол, против Баер Леверкузен.
Сезонава Ерлинг Халанд во дресот на Борусија и Салзбург одигра 28 натпревари и постигна дури 37 голови на кои им придодаде и осум асистенции.