Генералниот секретар на ОН, Антонио Гутереш денеска апелираше до верските водачи од сите вери да работат за мир низ целиот свет и да се фокусираат на заедничка битка против коронавирусот.

Христијаните го слават Велигден, Евреите го одбележуваат Пасха, а муслиманите наскоро ќе го започнат светиот месец Рамазан.

Гутереш изјави дека треба да се остави посебна мисла за „херојските здравствени работници од првите редови што се борат со овој вирус – и за сите оние што работат да ги одржуваат нашите градови”, рече Гутереш.

Ова е исто така време да се потсетиме на „најранливите од ранливите страни низ светот”: луѓе во воени зони, бегалски кампови, сиромашни квартови и други области кои се најмалку опремени за борба против вирусот”.

„И, да ја обновиме нашата верба едни во други и да извлечеме сила од доброто што се собира во проблематичните времиња, бидејќи заедниците на различни вери и традиции се обединуваат да се грижат еден за друг”, додаде тој.

„Заедно, можеме и ќе го победиме овој вирус – со соработка, солидарност и верба во нашата заедничка хуманост”.