Груби им благодари на пратениците кои гласаа за законите за коридорите и договорот со „Бехтел и Енка“
Вицепремиерот Артан Груби попладнево го поздрави усвојувањето на измените на законите со кои се овозможува побрза и поевтина изградба на коридорите 8 и 10Д.
Груби, како што соопшти Министерството за политички систем и односи меѓу заедниците, им се заблагодари на пратениците кои со својот глас денеска се построија на правилната страна и не дозволија продолжување на злонамерната тенденција на оние кои за ниски политички поени не штедеа зборови и дела за да ја блокираат реализацијата на најважната инфраструктурна инвестиција во историјата на земјата.
„Како што и реков: пушката топ нека им стане, но оваа работа НЕ ЗАСТАНУВА!“, напиша Груби на Фејсбук, додавајќи дека Владата е посветена да ги реализира коридорите, кои се „пат кон нов хоризонт на економски развој на земјата, и покрај сите опструкции и дезинформации што се шират во јавноста“.