ГРК Охрид го совлада Бутел Скопје и се врати на третото место во Суперлигата
Ракометарите на Охрид го совладаа Бутел Скопје 33:28 (18:13) во натпреварот од осмото коло од плеј-офот на македонската Суперлига, што се одигра вечерва во салата „Билјанини извори“.
За екипата на Охрид блескаше голманот Ѓорѓески со 19 одбрани, а кај стрелците во нападот Цирар постигна шест гола, а по еден помалку Ојлески и Јукиќ.
Најдобри стрелци во редовите на Бутел Скопје беа Николов со девет и Стојановски со пет погодоци.
На табелата во шампионатот Охрид е на третото место со 20 бодови, додека Бутел Скопје е на седмата позиција со четири.
Во следното коло кое на програмата е веќе во сабота, ГРК Охрид ѝ гостува на Струга, додека Бутел Скопје ќе игра во Битола против актуелниот шампион Еурофарм Пелистер.