Голферот Патрик Рид (32) поднел тужба поради клевета во која од ТВ коментаторот Брандел Чамбли и од медиумот „Голф ченел“ како тужени страни, бара отштета од неверојатни 750 милиони долари.

Американецот тврди дека коментаторот и ТВ-каналот го клеветат уште од времето кога имал 23 години. Поради негативните коментари тој наводно изгубил многу спонзори и поддржувачи, страда од непријатеските чувства на публиката кон него и слично…

Рид е деветкратен победник на турнири во серијата на „Пи Џи Еј тур“, доминантна во светот на голфот.

Неодамна Рид, како и некои други врвни голфери, ја напушти „Пи Џи Еј тур“ и се придружи на организацијата „ЛИВ голф“ од Саудиска Арабија која се чини сака да го преземе светскиот примат во овој спорт со организирање на конкурентска серија.

Критиките од коментатотор и од медиумот за овој негов потег се повод за оваа тужба.