Големо признание за Пројковска, избрана во елитното друштво на судијки за Евро 2022

Уште едно големо признание за македонската судијка Ива Пројковска/Фото: ФФМ

Уште едно големо признание за македонската судијка Ива Пројковска, таа е избрана во елитното друштво на судијки за Европското првенство 2022 кое ќе се одржи во Англија.

Како што објавуваат од Европската фудбалска куќа (УЕФА), Пројковска ќе ја има улогата на четврта судијка како помош на главната судиска тројка која ќе ги води натпреварите.

Во 2019 година беше главен судија на финалето од Европското првенство за фудбалерки до 19 години.

Главни судии на континенталниот собир, кој ќе се организира од 6 до 31 јули 2022 година, ќе бидат: Иван Мартинчиќ (Хрватска), Јана Адамкова (Чешка), Ребека Велш (Англја), Марта де Аза Уерта (Шпанија), Лина Лехтоваара (Финска), Стефани Фрапар (Франција), Рием Хусеин (Германија), Јулиана Деметреску (Романија), Естер Стобли (Швајцарија), Тес Олофсон (Шведска), Катерина Монзул (Украина), Емикар Барера Калдера (Венецуела) и Черил Фостер (Велс).

Покрај квалификациските натпревари за СП, во женската Лига на шампионите им судеше на клубови како Реал Мадрид, Барселона, Арсенал, Волфсбург, ПСВ..

Видео на денот