Годфри: „Договорот од Вашингтон е политичка определба, а не правно обврзувачка“
Амбасадорот на Соединетите Американски Држави (САД) во Србија, Ентони Годфри, рече дека на Вашингтонскиот договор гледа како на политичка определба, а не на законски обврзувачки договор, бидејќи идејата за економска нормализација е важна и носи надеж дека животниот стандард на граѓаните ќе се подобри.
„Гледам голема придобивка и предност и многу сум среќен што (Ричард) Гренел и (Адам) Болер успеаја да дојдат во Белград набргу по договорот од Вашингтон“, изјави Годфри за телевизијата Нова С.
Вашингтон ќе ги исполни своите ветувања, рече Годфри и оцени дека отворањето на канцеларијата на Американската агенција за развој (ДФЦ) во Белград е јасен сигнал дека САД сакаат резултати од договорот за економска нормализација.
Соединетите држави се надеваат дека ќе постигнат договор меѓу Приштина и Белград. Не можеме да наметнеме решение што ќе биде трајно, но мора да доаѓа од обете страни, да биде во нивен интерес и да има компромиси за обете страни, посочи Годфри.
Економската нормализација не е конкуренција со ЕУ, но чекорот што го направивме е дополнителен чекор кон она што веќе се случува во Брисел, а Унијата има примат во политичките прашања, додаде тој. Годфри посочи дека ДФЦ е организација што има непартиска поддршка во Америка, и што и да се случи на претседателските избори во Америка, таа канцеларија ќе работи тука и резултатите од договорот во Белата куќа ќе се видат, без оглед на резултатите од тие избори.
„Се надевам дека ќе можеме да го одржиме овој момент во српско-американските односи“, рече тој, нагласувајќи дека за него е охрабрувачки и задоволство да разјасни што Америка се надева дека ќе постигне
„Не сакаме Србија да биде во потисната позиција, но сакаме да биде просперитетна земја, во мир со соседите и да се движи кон Европа“, рече Годфри.
Годфри рече дека соработува со опозицијата и дека се надева дека ќе се воспостави поразновиден политички дијалог, додавајќи дека се согласува со неговите европски колеги дека не е добра идеја да не учествуваат во политичкиот дијалог.