7 C
Скопје

Глувите лица добија решение за проблемот со комуникацијата – видео повик од каде било

Сојузот на глуви и наглуви на Македонија најде начин за да ја олесни комуникацијата на глувите лица во општествениот живот.

Имено, сите глуви и наглуви лица од земјава добија можност преку апликацијата Месинџер, со видео повик да се јават во Кол центарот на Сојузот на глуви и наглуви лица, секогаш кога имаат потреба од толкувач. Како што ни објасни секретарот на Сојузот, Лиза Велкоска, во кол центарот секојдневно има два толкувачи на знаковен јазик кои им стојат на располагање на граѓаните во периодот од 8 до 16 часот.

– Имаме најмногу повици на глуви лица кои се наоѓаат во аптека каде што е потребно да се даде објаснување околу терапијата што треба да се прими, исто така имаме зачестени повици и од болниците, посебно сега, кога поради пандемијата забранета е посетата на роднините. На овој начин многу се олеснува комуникацијата на глувите лица. Толкувачите на знаковен јазик се достапни од 8 до 18 часот, но одговараат на видео повиците и по завршување на работното време, вели Велкоска. 

Прочитајте и...  🔴 СЛЕДЕТЕ ВО ЖИВО: Денешниот Утрински брифинг од 7.30 до 10.30 е во тек!

Тоа што досега немало ангажирани толкувачи на знаковен јазик во болниците не било проблем, бидејќи во нормални услови болните редовно ги посетувале членови од семејството кои им преведувале или пак поставувале прашања во нивно име. 

Токму за проблемот со кој се соочуваат глувите лица во болниците за време на пандемија, „Слободен печат“ пишуваше пред еден месец.

Приказната ја започна 29годишниот Дејан од Скопје кој за „Слободен печат“ раскажа дека бил многу вознемирен што неговата мајка била подолго време на скопските клиники и со неа не можеле да воспостават контакт, но ниту пак таа самата можела да се информира за нејзината состојба поради нејзиниот хендикеп.

-Таа поради нејзиниот хендикеп не може да зборува на телефон, од друга страна не може ниту да побара помош. Знам дека ситуацијата е таква, разбирам дека посетите не треба да бидат дозволени поради пандемијата, но мора министерот за здравство Венко Филипче и менаџментот на клиниките да размислат за ангажирање на лица кои ќе ја помогнат комуникацијата со глувонемите лица кои се пациенти во болниците, ни изјави тогаш Дејан.

Во клиниките нема толкувачи на знаковен јазик, глувовнемите не можат ни вода да побараат

 

Прочитајте и...  Груби: Успешните жени на нашите заедници се пример за општеството

Поврзани вести

Филипче најави повисоки плати за сите вработени во јавното здравство

Слободен печат

Царовска: Компаниите се подготвени да ги отворат своите врати за пракса на средношколците

Слободен печат

Приведен тетовец кој со возило удрил во возач чие возило било во дефект

Слободен печат

Ќамили: Mладите во Движењето БЕСА имаат целосен опсег на дејствување

Дестан Јонузи

Јалдз Веапоска за „Слободен печат“: Лекарска комора да ми каже каде точно се моите извадени матка, бубрег и јајник!

Мирослава Бурнс

Македонците со бугарски пасоши можат да се вакцинираат во Бугарија

Слободен печат

Остави Коментар