Денеска во вториот полуфинален меч на грен слем турнирот „Вимблдон“ првиот светски рекет Новак Ѓоковиќ со резултат 3:0 во сетови 7:6, 7:5 и 7:5 го совлада Денис Шаповалов од Канада.

Српскиот тениски ас в недела ќе игра за својата шеста грен слем титула во Лондон, а противник ќе му биде Италијанецот Матео Беретини кој претходно го елиминираше Хуберт Хуркач.

Првиот играч на светот е во финалето на „Вимблдон“, а до 20 победа по ред на славниот грен слем стигна преку Шаповалов.

Доколку в недела Ѓоковиќ оствари триумф ќе дојде до 20 грен слем титула и на тој начин ќе се израмни на врвот на вечната листа со Рожер Федерер и Рафаел Надал.

Србинот ќе го игра седмото финале на „Вимблдон“, досега петпати го освојуваше во 2011, 2014, 2015, 2018 и 2019 година, а загуби еднаш во 2013 година.

В сабота е закажано женското финале во кое силите ќе ги одмерат Ешли Барти (Австралија) и Каролина Плишкова (Чешка).

„Вимблдон“: Ивановски се бореше и повреден, на крајот елиминиран од Џонс