1 C
Скопје

„Гејм оф тронс“ на македонски начин во режија на ДУИ, ДПА и Алијансата

И како НАТО членка, во нашата држава и во оваа изборна кампања не изостанаа заканите на дел од албанските партии дека ќе има војна ако не се остварат некои нивни предизборни ветувања. Според експертот за воени прашања Благоја Марковски, ваквата реторика е само дел од партиската агенда пред гласачите. Тој вели дека можеме да бидеме мирни, бидејќи на Македонија не ѝ претстои никаква внатрешна безедносна опасност. И поранешниот амбасадор во НАТО, Нано Ружин за Слободен печат вели дека нашата држава е далеку од воени сценарија.

Оваа изборна кампања, покрај другото, ќе остане запаметена и по воинствената реторика на партиите од албанскиот политички блок. Борбата за власт, ги разбуди духовите на војната кај поранешниот командант на ОНА Али Ахмети кој 18 години е на чело на ДУИ, а повеќе од 16 години во власта. Македонската јавност беше изненадена од видео пораката во која Ахмети посочува дека Албанците треба да се обединат околу идејата за Албанец премиер, исто како што биле обединети во ОНА за време на војната.

По ваквата понуда на претседателот на интегративците, следеа реакции на лидерите на СДСМ и на ВМРО-ДПМНЕ Зоран Заев и Христијан Мицкоски, со кои се оградија, но затоа пак првите луѓе на ДПА Мендух Тачи и на Алијансата за Албанците, Зијадин Села ја продолжија воинствената игра. Тачи најави дека доколку има Влада без Албанци, тогаш можно е да има војна, па потоа објасни дека бил погрешно разбран. Села, пак, порача дека ако победникот на овие избори планира мнозинство само со македонски партии, Албанците ќе формираат влада со албанските политички партии.

Слободен печат го праша воениот експерт Благоја Марковски дали е можно да се оствари военото сценарио од 2001 година за кое толку често говорат лидерите на албанските партии во оваа изборна кампања. Марковски со став дека ваквите изјави не претставуваат реална закана, бидејќи се предизборен маркетинг.

Прочитајте и...  Казнети 370 граѓани што не носеле маска

– Ова е 21 век и проблемите мораат и се решааваат на демократски начин низ системот на институциите. Од тој аспект, ваквите закани немаат реална основа, особено затоа што нашата земја има и позитивни и негативни искуства од минатото поврзано со решавањето на безбедносните внатрешни проблеми – вели Марковски.

Но, сепак зачудува фактот, зошто партиите на Албанците толку често говорат за војни, воени дејствија, паралелни влади, во држава која е членка на НАТО, за што тие така силно се залагаа. Дали тоа што Македонија е членка на Алијансата не зборува и за определена зрелост на државата но и за развојот на демократијата во нашето општество што дава гаранција дека сепак, сите проблеми имаат можност да се решат на демократски начин. Во членот 5 од НАТО договорот, пишува дека Алијанса ќе и помогне на секоја своја членка доколку се појави или и претстои агресија од надвор. Но, согласно овој член, НАТО не се меша во внатрешните работи на било која своја членка.

Прочитајте и...  Формирано здружение за обнова на „Глобал" во Струмица

Според Марковски, кога би настанала некаква безбедносна криза внатре во земјата, од внатрешни чинители, тоа ќе мораме ние сами да си го решиме.

– Секако дека НАТО со свои трупи не би влегол во Македонија, но НАТО има можности и методологија во советодавна смисла. И од тој аспект можеме да се надеваме, не на воена, туку на советодавна помош од НАТО структирите. Заклучокот сепак треба да биде дека на Македонија не и претстои никаква внатрешна безедносна опасност. Сметам дека Македонија има капацитет да го разреши било кој безбедносен и политички проблем согласно Уставот и законите. Никаде не пишува, дека под закана, тој што ќе го добие мандатот да формира влада, треба да исполнува нечии желби и очекувања. Сепак треба да се има во предвид мултинационалносота на нашето општество и во секој случај досегашната практика на вклучување во власта на субјекти од политичката сфера на националностите се покажува какао позитивен тренд и добар пример за понатамошниот развој на нашата земја – вели Марковски.

И според поранешниот амбасадор во НАТО, Нано Ружин не е исклучено за време на изборни капањи, под притисок на емоци и еуфорија да се искажат одредени агресивни пораки.

Прочитајте и...  Родилка од Дебар доживеа хорор во болница: Ми извадија три здрави органи без да ми кажат

– Вo денешниот контекст и со сите граѓански и колективни права што ги уживаат Албанците со Охридскиот договор, заканите се нелогични и нема да можат да сметаат на меѓународна подршка. Алијанста не се меша во внатрешните работи на своите членки, освен ако дестабилизацијата не е иницирана од странска сила. И во тоа „мешање“ најнапред постојат дипломатски алатки, а потоа воени алатки, но нашата држава е далеку од такви сценарија – вели Ружин.

Вчера и претседателот на ДПА Тачи во „Утрински брифинг“ посочи дека барањето на Ахмети за премиер Албанец претставува директна закана, бидејќи тој бил свесен дека ќе биде опозиција. Токму затоа, според Тачи, последната алка на Ахмети му бил национализмот. бидејќи сакал да направи голема тензија, надевајќи се дека ќе биде прв кај Албанците, со сценарио од 2001 година.

– Да не заборавиме, ние сме членка на НАТО. Сите зовриени глави на одредени радикални структури на Албанците, треба да знаат дека таквите сонови не постојат. Бидејќи кај Македонците нема можни фрустрации дека ние Албанците имаме резервни планови за Македонија. Завршена е таа приказна. Многу јаки гарантори има за нашиот идентитет, а тоа е НАТО – рече Тачи.

Поврзани вести

Уапсен угостител во Тетово, кој служел гости по дозволеното време

Слободен печат

Тунџев од СДСМ: Се градат 180 километри автопати, 574 стана, а гасоводот ја помина Битола

Слободен печат

Почна најмасовната вакцинација против ковид-19 на планетава

Слободен печат

Во Скопје се лекуваат 270 пациенти со ковид-19, голем дел се на кислородна поддршка

Слободен печат

Еден продавал, двајца купувале кокаин во Гостивар, сите приведени

Слободен печат

Армин Лашет е наследник на Меркел во ЦДУ

Слободен печат

Остави Коментар