Тренерот на Аталанта откри дека имаше коронавирус кој го доби пред одигрувањето на натпреварот од Лигата на шампионите против Валенсија, меч кој што беше прогласен за „биолошка бомба“.

Властите проценија дека сите 40.000 луѓе присутни на стадионот во Милано биле заразени со вирусот.

Џен Пјеро Гасперини изјави дека неговата состојба се влоши пред натпреварот.

– Доколку ја погледнете снимката, ќе видите дека навистина не се чувствував најдобро на клупата. Беше 10 март, кога не можев да спијам и немав температура, но се чувствував како да имам. На секои две минути слушав сирени од брза помош како да живеам во близина на болница. Честопати се прашував што ќе ми се случи доколку одам во болница. Потоа, на 14 март го имав најтешкиот тренинг досега, трчав околу десет километри и возев велосипед уште еден час. Сè беше супер – рече Гасперини.

Потоа, додава тој, го изгубил чувството за вкус.

– Ден по натпреварот, добивме шампањ „Дом Перињон“ од 2008 година и некоја храна од голем обожавател на Аталанта. Го пробав шампањот и си помислив дека пијам вода и дека храната имаше вкус како леб. Не чувствував ништо, немав вкус. Следните три недели бев во нашиот тренинг центар и потоа се вратив дома во Торино. Јас уредно го почитував социјалното растојание со сопругата и децата. Направивме тестови и кога тие пристигнаа, ми беше потврден коронавирус – додаде Гасперини.

Да додадеме дека Аталанта обезбеди четвртфинале во Лигата на шампионите и сега го очекува новиот противник.