Долниот дом на францускиот парламент одобри законска иницијатива со цел да се забрани каква било дискриминација врз основа на коса или фризура. Иако дискриминацијата врз основа на коса или фризура одамна е препознаена во Соединетите Држави или Велика Британија, ова прашање продолжува да се игнорира во Франција, рече Оливие Серва, член на парламентот од францускиот прекуокеански департман Гвадалупе, кој ја претстави иницијативата.

Иницијативата сака експлицитно да спомене „фризура, боја, должина или текстура на коса“ во законските текстови против дискриминација. Откако ќе биде одобрен од Долниот дом, Сенатот мора да го стори истото. Серва објасни дека во Франција не постои јасна законска рамка која би се однесувала на луѓе кои се дискриминирани врз основа на нивната коса, пренесува Хина. Во 2019 година, американската сојузна држава Калифорнија донесе закон за борба против дискриминацијата врз основа на бојата на косата.

Потоа, 20 држави и 30 американски градови усвоија слични закони. Комитетот во Обединетото Кралство предложи кадравата фризура или афро-изгледот да не се забранува во британските училишта. Законодавната иницијатива не се однесува само на одредени етнички групи, туку би послужила и за заштита на жените со руса коса. Според една студија спроведена во Обединетото Кралство, русокосите понекогаш ја бојадисуваат косата потемна за да изгледаат поинтелигентни во професионална средина.