Екипата на Манчестер сити во летниот преоден рок ќе се обиде да ги ангажира Хари Кејн од Тотенхем и Џек Грилиш од Астон Вила.

Англиските медиуми денеска објавија информација дека „граѓаните“ испратиле понуда од 100 милиони фунти за Грилиш и дека трансферот треба да се реализира по завршувањето на сегашното Европско првенство, а претходно напишаа дека прва желба на клубот е Кејн, кој веќе ги „предупреди“ челниците на Тотенхем дека сака да ја напушти екипата. Тој исто така, треба да чини 100 милиони фунти.

Воедно се додава дека Сити ќе мора да продаде дел од своите играчи за да ги реализира овие два трансфери, а на трансфер-листата треба да се најдат и Рахим Стерлинг и Ријад Марез, додека во клубот остануваат Фил Фоден, Бернардо Силва и Габриел Жезус.

⌛ Grealish to City is on the brink
👀 Kane the next target?

🥵 Do we just cancel next season already? pic.twitter.com/8Qxk5BszTr

— WhoScored.com (@WhoScored) June 25, 2021

Доколку овие тврдења се покажат точни, што е многу можно затоа што челниците на Манчестер сити ветија дополнителни инвестиции во засилувања по поразот во финалето од Лигата на шампионите од Челси, тогаш „граѓаните“ дефинитивно ќе бидат јасни фаворити за освојување на нови титули.

Беа шампиони во Премиер лигата минатата сезона, но сигурно навивачите и сопствениците на овој клуб беа најразочарани поради поразот од Челси со 1:0 во финалето на Лигата на шампионите.

If Man City manage to sign Harry Kane and Jack Grealish 😳 pic.twitter.com/toD4uByQ28

— ESPN FC (@ESPNFC) June 25, 2021